| 返左工接近一個月,真係好唔明,點解度度都話裁員,我公司真係好好景嗎?點解仲要不停加headcount,務求做到我七彩為止...放假前本來已開始上緊HRIS,MANAGER本身要求我在放產假期間,另外2位同事可以開始TRIAL用,點知... 佢地原封不動,我放假前既STATUS同70日後STATUS 一模一樣.. 頂..呢個星期MANAGER開始不停催促我地起貨..手就得一對..做C人阿媽個女咩... 宜家每日返左工,最大既娛樂就係透過WEB CAM睇住阿女,見佢伸手伸腳,真係好開心,另一邊廂亦都要借助WEBCAM睇下印印每日在家的活動,初初幾日佢未做哂家務,好早晨就在廚房抖下HEA下,我同佢講"你可以抖,不過一定要做哂家務先得"..有次嚇到我傻左,竟然見佢攝條毛巾在阿女心口,個風扇一吹,成條毛巾吹上阿女個面"吸"住佢個鼻同口,即時打電話返去"醒"印印... 繼2個月前,印印整爛把風扇而且講大話俾我丙佢之後,尋日又一新巨作.. 話說斷背榮送左個類似PRECIOUS MOMENTS公仔擺設俾我地,本來我已經唔太記得屋企有呢個擺設,尋晚想關窗開冷氣時發現佢縮埋在窗台角落,即刻拎起來睇下啦..點知... 佢個頭已經同個身分開左,靠背脊一條3M膠紙勉強痴住,我即刻叫左在廚房的印印出來問個明白,佢話個公仔係佢2日前清潔時打爛的,因為我出左街所以唔記得左話我知..我真係七孔生煙,"省"到佢立立靚,我話佢將個公仔放到窗台角落,根本就想我睇唔到,而且仲用膠紙痴住,絕對係想掩飾多於坦白,佢知我好嬲,驚到喊... 其實我都唔想丙佢,皆因我真係出名善解人意,心地善良,不過佢來左我家3個月已經講左2次大話,整爛野事少,問題係佢呃我,容咩易佢下次整親阿女又唔出聲,真係嬲到震....佢今日又再叫我原諒佢,仲話唔會再有下次,我好型甘同佢講"DON'T PROMISE TO ME, PROMISE YOURSELF!!!"哈哈..幾有台型!!! |
